İngiltərə klubu Almaniyanın liderini böyük hesabla məğlub etdi

726 Baxış

UEFA Çempionlar Liqasında PSJ-nin ardından daha bir komanda 1/4 finala çıxmaq şansını yaxşılaşdırıb.

Oxu.Az xəbər verir ki, Londonun “Uembli” stadionunda “Totenhem”lə Dortmund “Borusiya”sı üz-üzə gəlib.

İngiltərə təmsilçisi gözlənilmədən Almaniya Bundesliqasının liderinə üç cavabsız qol vurub. Cənubi koreyalı Son Xın-min, belçikalı Yan Vertonqen və ispaniyalı Fernando Lyorentenin qolları “Totenhem”ə qələbə qazandırıb.

Qeyd edək ki, tərəflərin cavab matçı martın 5-də baş tutacaq.