![İngiltərə Premyer Liqasında antirekorda imza atan klub baş məşqçisini qovub](https://ens.az/images/news/22999b5a42e39af6341e97fbb20f4655.jpg)
İngiltərə Premyer Liqasında antirekorda imza atan klub baş məşqçisini qovub
İngiltərə Premyer Liqasında çıxış edən “Haddersfild” klubu baş məşqçisi David Vaqneri istefaya göndərib.
“Report” Uest-Yorkşir təmsilçisinin rəsmi saytına istinadən xəbər verir ki, 47 yaşlı almaniyalı mütəxəssisin müqaviləsinə qarşılıqlı razılaşma əsasında xitam verilib. Vaqner özü mövsümün sonuna qədər postunda qalmaq istəsə də, klubun sahibi Din Hoyl bununla razılaşmayıb.
Komandanı XXIII turda “Mançester Siti” ilə görüşə “Haddersfild”in sabiq oyunçusu Mark Hadson hazırlayacaq.
Qeyd edək ki, “Haddersfild” hazırda 11 xalla sonuncu pillədədir. Tarixi ərzində Premyer Liqada ikinci mövsümünü keçirən klub indiyə qədər keçirdiyi 60 oyundan 31-də qol vura bilməməklə antirekorda imza atıb.
Şərhlər
Şərhləri göstər Şərhləri gizlət