İntellefon erası: hansı qadjetlər adət etdiyimiz smartfonları əvəz edəcək?

10 il əvvəl bizi iPhone ilə tanış etdilər və mobil telefonlar dünyası çökdü. Sonra onun xarabalıqları üzərində indi yaşadığımız smartfonlar dünyası yarandı. Onun ömrünə nə qədər qalıb? Ens.az bildirir ki, Huawei-in yeni qurğuların hazırlanması üçün laboratoriyasına baş çəkdikdən sonra mütəxəssislər bunun elədə uzaqda olmadığına əmin olublar.

1. Smartfon kompüteri əvəz edəcək

Mürəkkəb qrafika ilə oyun oynamaq üçün saatlar sərf etmirsinizsə və 4K-də video montaj etmirsinizsə, həqiqətən güclü bir prosessora ehtiyacınız yoxdur, ancaq bu, smartfonunuzda var. Tezliklə onun orada olması 100% əsaslandırılacaq.

Önümüzdəki illərdə smartfonlar kompüterləri əvəz edəcək: monitorlara və proyektorlara qoşulduqda, onlar adi kompüterlər kimi bütün tapşırıqları yerinə yetirməyə hazırdırlar, indi bu istedadları bir qədər də itiləmək və ən əsası insanları cibində sadəcə telefon dəstəyi deyil , tam portativ bir sistem blokunun olduğuna və ehtiyac duyulan yeganə şeyin yalnız klaviatura və əməliyyat üçün əlavə bir ekran olduğunu öyrətmək lazımdır.

Huawei-də bunun üçün EMUI Desktop - USB-C kabeli - HMDI var. Ancaq buna inqilabi yenilik demək olmaz, çünki Samsung oxşar imkanları olan Samsung Dex dok stansiyasını təklif edir və daha dərinə getsəniz, 2015-ci ildə Microsoft eyni funksiyaları yerinə yetirən Lumia 950 üçün Display Dock aksessuarına sahib idi.

2. Smartfon düşünməyi öyrənəcək

Yəqin ki, telefonunuzun sizin haqqınızda demək olar ki, hər şey bildiyi barədə düşünmüsünüz. Kontaktlarınızı bilir, şifrələrinizi bilir, hesab nömrələrinizi, hesablarınızı bilir və tərəqqidən geri qalmırsınızsa, qadjetınızdə barmaq izləriniz və hətta üzünüz haqqında məlumat var (əgər o, Face ID funksiyası ilə təchiz olunubsa).

Bugünkü bir smartfonla sabahkı intellefon arasındakı əsas fərq odur ki, müasir gadjet tələblərinizi yerinə yetirə bilir, amma gələcəyin gadjetı onları əvvəlcədən təxmin edə və sadə tapşırıqları mürəkkəb məntiqi zəncirlərə bağlaya bilər. Onun yaddaşı, öyrənmə qabiliyyəti və kontekstə əsaslanaraq nəticə çıxarmaq bacarığı olacaqdır. Onun tətbiqetmələrimizin alışdığımız formasının öldürəcəyi ehtimalı yüksəkdir: nişanlar olan bir ekran əvəzinə, istəklərinizə görə müəyyən qadjet funksiyalarını aktivləşdirən səs köməkçisi ("O" filmindəki kimi) olacaq.

3. Smartfonlat insanları təhlil edəcək

Bu gün bir smartfonun əsas hissəsi onun prosessorudur, lakin sabah bulud məlumatları ilə əlaqəli sinir şəbəkəsi daha vacib bir rol alacaq. Qadjet sahiblərinin bütün hərəkətləri ümumi məlumat bazasını dolduracaqdır ki, nəticədə smartfonlar ondan nəyin və nə zaman istənildiyini dərhal anlaya biləcək.

Bu model təxminən vu cür işləyəcək: hansısa qonaqlıqdan evə qayıdıb, gec yatırsan və səhər zəngli saat işə düşdükcə bir neçə dəfə təxirə salırsan və nəticədə həmin günə planlaşdırdığın görüşlərdən birincisini ləğv edirsən; intellefon bunu yadda saxlayır və müşahidəsini buludla bölüşür, bunun vasitəsilə bu fakt qadjetlərin insanlar haqqında ümumi məlumat bazasının bir hissəsinə çevrilir. Artıq növbəti dəfə sahibinin uzun müddət yatmadığını başa düşən intellefon, ona dərhal sabahın cədvəlində dəyişiklik etməyi təklif edə bilər, oyanma vaxtını bir qədər sonraya keçirir və səhər görüşləri və danışıqları planlaşdırılmış hər kəsə təxirə salmaq təklifi göndərir.

Artıq qorxursan? Yaxşı, tezliklə telefonunuz artıq sizin nələrdən qorxduğunuzu da biləcək. Bu cür həllərin ilk rüşeymləri, öz neyromorfik prosessoru ilə təchiz edilmiş Huawei Mate 10’dakı Kirin 970 çipindədir.

4. Əlaqə sürəti kosmik həddə olacaq

Bu açıq həqiqətdən sonra yenə də sizi təəccübləndirəcəyik: 6G olmayacaq, yalnız 5G və həmişəlik. İndi isə daha ətraflı: əgər qadjetiniz daim buludlarla və ətrafındakılarla məlumat mübadiləsi aparırsa, o, ən sürətli məlumat ötürülməsinə ehtiyac duyur. Buna, tezlik diapazonunu genişləndirmək və eyni anda bir neçə antenadan və baza stansiyasından siqnal almağa imkan verən ikili qoşulma texnologiyasının tətbiq edilməsi ilə nail olunacaq.

Huawei və LG-nin testlərində bu, artıq 20 Gb / s sürət verir və obyektin hərəkətlərindən və yerləşdiyi məkanda yerinin dəyişməsindən asılı olmayan sabit sürətdən söhbət gedir. Təbii ki, cihazın içərisində eyni zamanda bütün ötürmə seçimlərini istifadə edə bilməsi üçün antenlərin sayı artacaq. Qeyd edək ki, 5G standartının tətbiqi 2020-ci ilə planlaşdırılır.

5. Kameralar göz olacaqlar

Digər bir iş istiqaməti (və nəhəng sərmayələr - Huawei 10 il ərzində yeni inkişaflara 45 milyard dollardan çox pul xərcləyib - Tailandın illik büdcəsi) kameraların təkmilləşdirilməsidir. Gələcəkdə onlar daha sürətli və tam avtomatik rejimdə işləyəcək, postfaktumdan sonra çəkiliş rejimlərini və fokus variantını seçməyi təklif edəcəklər.

Üstəlik, kontekstə əsaslanaraq, smartfon gələcək addımları təklif edəcək (oğlunuzu çəkirsiniz - həyat yoldaşınıza göndərməyi təklif edir, televizoru çəkirsiniz - daha ucuz qiymətə satılan mağaza haqqında bilgi və oranın internetdəki linkini verir) Huawei Leica ilə ortaq olaraq bu istiqamətdə çalışmalarını davam etdirir.

Mənbə: mhealth.ru