İntizam Komissiyasının səlahiyyətləri artırılır

“Ölkə.Az” xəbər verir ki, qanun layihələri barədə millət vəkili Əli Hüseynli məlumat verib.

Millət vəkili bildirib ki, Etik davranış qaydaları ilə bağlı Milli Məclisinin Daxili Nizamnaməsində dəyişikliyə ehtiyac var idi. Nizamnamənin 23-cü maddəsinə qədər olan dəyişikliklər bir sıra qanun layihələrinə uyğunlaşdırma xarakterlidir.

“Milli Məclis deputatının statusunun itirilməsi, Milli Məclisin buraxılması kimi maddələr yeni əlavə edilib. İntizam Komissiyasını daha səlahiyyətli edir. Komissiyanın sayının artırlıması ilə bağlı da təkliflər var. Təklif edilən dəyişikliklər arasında etik davranışın pozulması ilə bağlı deputat səlahiyyətinin itirilməsi haqqıbda İntizam Komissiyası qərar verə bilər. Çünki həmin komissiyanı biz seçirik. Bundan sonra Komissiya bu barədə məlumatı Mərkəzi Seçki Komissiyasına təqdim edəcək. Təbii ki,  qarşı tərəf Apelyasiya və Konstitutusiya məhkəməsinə müraciət edə bilər. Bu dəyişikliklə biz İntizam Komissiyasının səlahiyyətlərini artırmış oluruq”.

Ə.Hüseynli bildirib ki, "Azərbaycan Respublikası Milli Məclisi deputatının statusu haqqında" qanuna dəyişiklik uyğunlaşdırma xarakterlidir.   "Azərbaycan Respublikası Milli Məclisi deputatının etik davranış qaydaları haqqında" qanuna bir sıra vacib dəyişikliklər olacaq.

“10.3-cü maddəsi –hədiyyələrlə bağlı hissə yeni deyil. Vacib məqam maraqlar toqquşması ilə bağlıdır.  Bu dəyişikliklər həm də Milli Məclisin şəffaf fəaliyyətinin göstəricisi olacaq. Bu qanun layihələri ilə bağlı təklifləri qəbul edə bilərik. Xatırladım ki, bu qanun layihəsi birinci oxunuşa təqdim edilir, həmkarlarımızın təkliflərini dinləməyə hazırıq".