İran yeni raketini təqdim etdi

İran yeni raketini təqdim etdi

İran yeni yerli istehsal olan “Xürdad” hava hücumundan müdafiə sistemini təqdim edib.

Axar.az xəbər verir ki, bu barədə İranın Müdafiə Nazirliyi informasiya yayıb.

Müdafiə naziri Əmir Xatəminin də iştirak etdiyi mərasim Tehranda baş tutub. “Xürdad” HHM sistemi İran Müdafiə Nazirliyinin ekspertləri tərəfindən hazırlanaraq orduya təhvil verilib. Sistem “Səyyad-3” raketləri ilə təchiz edilib.

Xatəminin sözlərinə görə, sistem müxtəlif hədəfləri, o cümlədən hərbi təyyarələri və pilotsuz uçuş aparatlarını 150 kilometr radiusda tutmaq qabiliyyətinə malikdir.