İraq BMT Təhlükəsizlik Şurasına ABŞ-dan şikayət etdi

İraq ABŞ-ın Bağdaddakı terror hücumları ilə bağlı BMT və Təhlükəsizlik Şurasına şikayət məktubu göndərib.

Deyerler.org ABNA-ya istinadən xəbər verir ki, İraq Xarici İşlər Nazirliyi yazılı bəyanatında İranın İnqilab Keşikçiləri Ordusunun (SEPAH) Qüds Qüvvələrinin komandiri general-leytenant Qasim Süleymaninin və Əl-Həşduş Şəbi Qurumunun ikinci komandiri Əbu Mehdi Əl-Mühəndisin şəhid olması ilə nəticələnən terror aktı ilə əlaqədar BMT Təhlükəsizlik Şurası və BMT baş katibinə ABŞ-dan şikayət etdiyini açıqlayıb.

Bəyanatda BMT-nin iraqlı hərbi komandirlərə qarşı təşkil edilən sui-qəsd və hücumların qınaması tələb edilib, hücumun ABŞ qüvvələrinin ölkədəki mövcudluq şərtlərinə zidd olduğu və İraqın suverenliyinə qarşı çox təhlükəli bir pozuntu formalaşdırdığı bildirilib.

Bundan əvvəl də ABŞ-ın Bağdaddakı səfiri Metyu Tueller Xarici İşlər Nazirliyinə çağrılıb və ona ABŞ tərəfindən törədilən qətllə əlaqədar qınama notası verilib və hücumun İraq hakimiyyətinin pozulması sayıldığı bildirilib.