![İraqda İŞİD-in qətlə yetirdiyi mülki şəxslərin basdırıldığı kütləvi məzarlıq aşkarlanıb](https://ens.az/images/news/b2a000d069c1a53c7c65abf433957c7a.jpg)
İraqda İŞİD-in qətlə yetirdiyi mülki şəxslərin basdırıldığı kütləvi məzarlıq aşkarlanıb
İraqın Anbar vilayətinin Əl-Fəlluca şəhəri yaxınlığında 643 mülki şəxsin dəfn edildiyi kütləvi məzarlıq aşkarlanıb.
APA-nın “Al Arabiya” telekanalına istinadən verdiyi məlumata görə, Əl-Fəlluca şəhərindən 5 km şimalda yerləşən Es-Saklyaviya rayonunda üzə çıxarılan kütləvi məzarlıq 2016-cı ildə salınıb.
Həmin vaxt bu ərazilərə İŞİD terror təşkilatı nəzarət edib. Yerli hakimiyyət orqanları həmin kütləvi məzarlıqda Əl-Məhəmməd tayfasının üzvlərinin qətlə yetirilərək basdırıldığını ehtimal edir. 2016-cı ildə həmin tayfanın üzvləri yoxa çıxıb və indiyə qədər onların taleyi məlum deyil. Qətlə yetirildikdən sonra məzarlıqda basdırılanlar arasında uşaqlar da var.
Qeyd edək ki, İŞİD terror təşkilatı 2014-cü ilin yayında İraq ərazisinin 30 faizə qədərini zəbt edib, həmin ilin iyun ayında ölkənin ikinci böyük şəhəri Mosulu da ələ keçirib. İraq hökuməti 2015-ci ildə beynəlxalq koalisiyanın dəstəyi ilə İŞİD-ə qarış əməliyyata başlayıb, 2017-ci ilin dekabrında İŞİD-in İraq torpaqlarından təmizləndiyi bəyan olunub.
Şərhlər
Şərhləri göstər Şərhləri gizlət