İsraildən İrana zərbə: anbarlar və silah daşıyan karvan vuruldu

İsraildən İrana zərbə: anbarlar və silah daşıyan karvan vuruldu

İsrailə aid Pilotsuz Uçuş Aparatları (PUA) İraq-Suriya sərhəddində İrana bağlı olan “Haşdi-Şəbi” qüvvələrinə hava zərbəsi endirib.

Teleqraf.com xəbər verir ki, zərbələr İraq-Suriya sərhəddində yerləşən Əbu-Kamal yaxınlığında həyata keçirilib.

İlkin məlumatlara görə, İsrail dronları silah daşıyan karvanı vurub.

Suriya İnsan Haqları Təşkilatı İran tərəfindən dəstəklənən milis güclərinin hədəfə alındığını bildirib, amma hücumun İsrail tərəfindən həyata keçirilməsi haqda məlumatı olmadığını qeyd edib. Vurğulanıb ki, bölgədə şiə milislərə aid silah anbarları və silah-sursat daşıyan yük maşınları vurulub.

Livanın Əl-Meydan kanalı isə İsrailə aid PUA-ların Suriya-İraq səırhəddindəki bəzi hədəfləri məhv etdiyini bəyan edib.

İsrailin yerli mediası isə ordunun neçə vaxtdır ki, İraq-Suriya sərhəddində olan bəzi hədəfləri vurduğunu bildirib.