"Jaguar Land Rover"in şikayəti əsasında BYD-nin ofisində axtarış aparılıb

Britaniyanın avtomobil istehsalçısı "Jaguar Land Rover" Çinin BYD şirkətini "Defender" modelini kopyalamaqda ittiham edib. Bu şikayət əsasında BYD-nin Niderlanddakı ofisində axtarış aparılıb.

Ens.az Oxu.az-a istinadən xəbər verir ki,bu barədə "The Guardian" nəşri məlumat yayıb.

Nəşrin məlumatına görə, "Jaguar Land Rover"in adından çıxış edən məhkəmə icraçıları Çin şirkətinin ofislərində axtarış aparıblar. Bu addım BYD-nin "Defender" modelinə bənzəyən avtomobilinin əqli mülkiyyət hüquqlarını pozub-pozmadığının araşdırılacağı məhkəmə prosesi ərəfəsində atılıb.

Axtarış Haaqa məhkəməsində keçiriləcək iclasdan əvvəl baş tutub. Məhkəmə "BYD Ti7" yolsuzluq avtomobilinin əqli mülkiyyət hüquqlarını pozub-pozmadığını araşdıracaq. Modelin satışına sentyabr ayında başlanılıb.

Çin şirkəti yeni avtomobilini Avropa bazarına çıxarmağı da planlaşdırır.