![Juventus və Manchester City kimi klublarda çıxış edən futbolçu Azərbaycan klubuna doğru](https://ens.az/images/news/c7bea8c03319ca91fb6e6c2e4889d7ea.jpg)
Juventus və Manchester City kimi klublarda çıxış edən futbolçu Azərbaycan klubuna doğru
Bolqarıstan millisinin sabiq üzvü Valeri Bojinov karyerasını ölkəmizdə davam etdirə bilər.
Offsideplus.az xəbər verir ki, hazırda Botev klubunda çıxış edən 32 yaşlı futbolçunun yenidən legioner həyatı yaşamaq istədiyi iddia olunur. Təcrübəli oyuçunun Azərbaycan, Rusiya və Qazaxıstandan təklif aldığı bildirilir. Bojinov əvvəlki açıqlamalarında gələn ilin yayına kimi hazırkı klubumda qalmaq istədiyini bildirsə də, gələn təkliflərdən sonra fikrini dəyişə biləcəyi gözlənilir.
Xatırladaq ki, futbolçu hələ ötən il Partizan"da çıxış edərkən Qəbələ"dən təklif aldığını bildirmişdi. Həmin vaxt Serbiya klubunun yüksək məbləğdə transfer haqqı tələb etməsi keçidin gerçəkləşməsinə mane olmuşdu.
Qeyd edək ki, Bojinov bundan əvvəl Parma, Fiorentina, Juventus, Mançester Siti, Sportinq, Verona və Levski kimi klubların formasını geyinib. Bolqarıstan millisinin heyətində 43 oyun keçirən hücumçu 6 qol vurub.
Şərhlər
Şərhləri göstər Şərhləri gizlət