Kiyevdə keçirilən şahmat turnirində Azərbaycan səfirliyi də təmsil olunub

Ukraynanın paytaxtı Kiyev şəhərində “Avropa idman həftəsi” çərçivəsində şahmat turniri keçirilib.

AZƏRTAC xəbər verir ki, Avropa Komissiyasının və Ukraynanın Gənclər və İdman Nazirliyinin birgə dəstəyi ilə keçirilən şahmat turnirində xarici ölkələrin diplomatik nümayəndələri, nazirliklərin təmsilçiləri, bu ölkənin milli komandasının üzvləri, o cümlədən qrossmeysterlər Yuliya Osmak və Vladimir Balkan iştirak ediblər.

Turnirdə Azərbaycanı səfirliyin müşaviri Vüsal Süleymanov təmsil edib.

Yarış ukraynalı qrossmeysterlərin qələbəsi ilə başa çatıb.