Lerikdə qaz və işıq çatışmazlığı: "Məcburuq ki, köçək burdan"

Astara və Lerik rayonlarının bir çox kəndlərinə hələ də təbii qaz çəkilməyib

Astara və Lerik rayonlarının bir çox kəndlərinə hələ də təbii qaz çəkilməyib.

Bu barədə BBC News Azərbaycancaya Astaranın Sım, Sipiyəpart, Çükəş, Degədi, Lerikin isə Şivlə, Biləvər, Şingədulan kəndlərinin sakinləri danışıb.

Sakinlər qışda nə edəcəklərini bilmirlər. Bir çoxları çarəsizlikdən həyətlərindəki meyvə ağaclarını kəsəcəyini deyir.

Azəriqaz İstehsalat Birliyi BBC News Azərbaycancaya deyib ki, adı çəkilən kəndlərə bu il qaz çəkilməyəcək.

Qurum onu da deyib ki, dövlət vəsaiti imkan verərsə, "gələcəkdə bu kəndlərdə qazlaşdırma işləri başlaya bilər".