Livanda məscid atəşə tutulub, ölən və yaralananlar var

İsrailin Livanın cənubunda yerləşən Tibninə endirdiyi aviazərbə nəticəsində 1 nəfər ölüb, 11 nəfər yaralanıb.

"Ens.az" “Report”a istinadla  xəbər verir ki, bu barədə Livanın Milli İnformasiya Agentliyi məlumat yayıb.

Məlumata görə, zərbə məscidə endirilib.

Öz növbəsində, İsrail Müdafiə Qüvvələri "Hizbullah" qruplaşmasını atəşkəs rejimini pozmaqda ittiham edərək Livanın cənubuna zərbələr endirməyə başlayıb.

İsrail Müdafiə Qüvvələri qeyd edib ki, zərbələr nəticəsində Sribbin ərazisində "Hizbullah"ın İsrailə hücumlar üçün istifadə etdiyi yeraltı tunel məhv edilib.