“Liverpul”un ulduzu “Qarabağ”ın futbolçusunu təbrik etdi

“Liverpul”un ulduzu “Qarabağ”ın futbolçusunu təbrik etdi

İngiltərənin "Liverpul" klubunun yarımmüdafiəçisi Xerdan Şakiri "Qarabağ"da çıxış edən milli komanda yoldaşı İnnosent Emeqaranı təbrik edib. “Qafqazinfo” xəbər verir ki, ulduz futbolçu forvarda Avropa Liqasının qrup mərhələsinə vəsiqə qazandıqları üçün təbrik ünvanlayıb.

O, Ağdam klubuna turnirdə uğurlar arzu edib. Emeqara Şakiriyə təbrikə görə təşəkkür edib.

Qeyd edək ki, Kosovo əsilli 26 yaşlı futbolçu 2010-cu ildən İsveçrənin əsas millisində çıxış edir. Emeqara isə 2011-ci ildə ilk dəfə İsveçrənin əsas millisinə dəvət alıb. 29 yaşlı forvard yığmada 9 oyun keçirib. Hər iki futbolçu İsveçrənin U-21 millisində də birgə çıxış edib.