Luka Modriç "Qızıl top" mükafatını qazandı
İspaniyanın "Real Madrid" klubunun və Xorvatiya yığmasının yarımmüdafiəçisi Luka Modriç "France Football" jurnalının versiyası ilə dünyanın ən yaxşı futbolçusu adına layiq görülüb və "Qızıl top" mükafatını qazanıb.
Trend-in məlumatına görə, 33 yaşlı xorvatiyalı futbolçuya mükafat Fransanın paytaxtı Parisdə keçirilən mükafatlandırma mərasimində təqdim edilib.
Müxtəlif ölkələrdən jurnalistlərin səsverməsindən sonra Luka Modriç 753 xal toplayıb. İkinci yerdə 476 xalla "Yuventus" klubunun portuqaliyalı futbolçusu Kriştianu Ronaldu, üçüncü yerdə isə 414 xalla İspaniyanın "Atletiko Madrid" klubunun fransalı futbolçusu Antuan Qrizman qərarlaşıb.
Şərhlər
Şərhləri göstər Şərhləri gizlət