Maradona 1,5 ay əvvəl təyin olunan məşqçini göndərdi

Brestin “Dinamo” klubu baş məşqçisi Aleksey Şpilevski ilə yolları ayırıb.

Qol.az-ın Belarus mətbuatına istinadən yaydığı xəbərə görə, Şpilevski bu vəzifəyə ay yarım əvvəl – iyunun 29-da təyin olunmuşdu. Onun rəhbərliyi altında komanda keçirdiyi 7 oyundan 2-də qalib gəlmiş, 3-də heç-heçə etmiş, 2-də isə uduzmuşdu.

Bundan başqa, komandanın rəisi Yuri Savçenko da istefaya göndərilib.

Xatırladaq ki, “Dinamo”nun klubunun direktorlar şurasına əfsanəvi futbolçu Dieqo Maradona rəhbərlik edir.