Məhəmməd Xəlifə Aciz - Al şanə dəstinə, sənəma, darə tellərin
Al şanə dəstinə, sənəma, darə tellərin,
Könlüm kimi dağıt yenə rüxsarə tellərin.
Tutmuş günün qabağını zülfün, kənarə çək,
Etmiş əcəb qəra günümü qarə tellərin.
Bimari-eşq, xöstəvü rəncurəm, ey təbib,
Etməz nədən bu dərdimə bir çarə tellərin?!
Axırda aşikar olub, sirri-eşqə bax,
Yusif kimi salıb məni bazarə tellərin.
Bülbül kimi nəvayə gəlib, eylərəm xüruş,
Etmiş əsir hər gülü bir xarə tellərin.
Ey mahi-gülüzarü ey şuxi-dilrüba!
Qoymuş məni bu dəhrdə avarə tellərin.
Od tutdu pərlərim bu zaman, nıahi-gülüzar,
Salmış məni nə növ ilə, gör, narə tellərin.
Əbruyi-tiğ, qəmzeyi-tir, afəti-cahan,
Əzbəski vurdu sinəmə, ol yarə tellərin.
Bilməm səbəb nədir genə, ey yari-mehriban,
Mənsur tək çəkib məni ol darə tellərin.
Bilməm yovuncu eyləyək axır, ey sənəm,
Sənan kimi bu Acizi, zünnarə tellərin.
Şərhlər
Şərhləri göstər Şərhləri gizlət