Məhəmməd Xəlifə Aciz - Könlümə
Ey zalım, navəki-qəmzən,
Vurubdur yarə könlümə,
Gözlərimdən axar qanı,
Gəl eylə çarə könlümə.
Vurub qəmzən zəxmi-karı
Qoyma olsun qanı carı,
Gətir zülfi-miskbarı
Basgilə yarə könlümə.
Sallanıb naz ilən gedən,
Mənə rəhmin gəlməz nədən?
Səndən qeyrı çarə edən,
Yoxdu biçarə könlümə.
Gəl insafa səni tarı,
İncitmə Acizi-zarı,
Göstər xurşidi-rüxsarı,
Bu günüqarə könlümə.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət