“Mehrəliyev Elmi Araşdırma Klubu”nun Şəki görüşü həyata keçirildi
18-19 iyul tarixlərində Şəki rayonu Heydər Əliyev Mərkəzində “Colorit Tourism” və Samir Zamanovun təşkilatçılığı, Gənclər üçün İnkişaf və Karyera Mərkəzinin Şəki nümayəndəliyinin təşkilati dəstəyi ilə “Elmi araşdırma ilə tanışlıq: haradan başlayaq, necə edək” mövzusunda seminar keçirildi.
Seminarda çıxış edən “Mehrəliyev Elmi Araşdırma Klubu”nun təsisçisi, son 5 il ərzində elmi fəaliyyətini Honkonq universitetlərində davam etdirən Ph.D Fuad Mehrəliyev iştirakçılara elmi araşdırma işi, beynəlxalq elmi jurnallar, “Web of Science”-da jurnalların axtarışı, məqalələrin dərc edilməsi və göndərilməsi üsulları, “Mehrəliyev Elmi Araşdırma Klubu”nun məqsəd və fəaliyyəti və s. mövzular barədə geniş bəhs etdi.
Seminar böyük maraqla qarşılayan iştirakçılar sonda “Mehrəliyev Elmi Araşdırma Klubu”nun təsisçisi Ph.D Fuad Mehrəliyev tərəfindən sertifikatlarla təltif olundular.
Şərhlər
Şərhləri göstər Şərhləri gizlət