![Mehriban Əliyeva autizm sindromlu uşaqlar üçün təşkil edilmiş şənlikdə iştirak edib](https://ens.az/images/news/3450ab6dc5986636ecc0cdb5e5281198.jpg)
Mehriban Əliyeva autizm sindromlu uşaqlar üçün təşkil edilmiş şənlikdə iştirak edib
Dekabrın 30-da Azərbaycan Respublikasının Birinci vitse-prezidenti Mehriban Əliyeva, qızları Leyla Əliyeva və Arzu Əliyeva Bakının Nərimanov rayonunda “Birgə və Sağlam” İctimai Birliyinin nəzdində fəaliyyət göstərən autizm sindromlu uşaqlar üçün Reabilitasiya Mərkəzində olublar.
AZƏRTAC xəbər verir ki, Birinci vitse-prezident Mehriban Əliyeva 31 dekabr - Dünya Azərbaycanlılarının Həmrəylik Gününü və Yeni il bayramını Heydər Əliyev Fondunun dəstəyilə fəaliyyət göstərən autizm sindromlu uşaqlar üçün Reabilitasiya Mərkəzində qeyd etdi.
Autizmli uşaqlar öz istedadlarını nümayiş etdirdilər.
Birinci vitse-prezident Mehriban Əliyeva Mərkəzin nəzdində fəaliyyət göstərən xor kollektivi ilə birgə mahnı ifa etdi.
Sonra Mehriban xanım Əliyeva uşaqlarla birgə tort bişirdi, onlarla söhbət etdi.
Mərkəzin yetirməsi olan, hazırda Azərbaycan Mədəniyyət və İncəsənət Universitetinin ikinci kursunda təhsil alan Əlisahib Bayramov və digər uşaqlar pianoda müxtəlif musiqilər ifa etdilər.
Heydər Əliyev Fondunun vitse-prezidenti Leyla Əliyeva da musiqi ifa etdi.
Daha sonra Birinci vitse-prezident autizmli uşaqlarla birgə bişirdikləri tortu çay süfrəsi arxasında daddılar.
İctimai Birliyin sədri Aytən Eynalova bildirdi ki, hazırda bu Mərkəzdə 70-dək uşaq intensiv terapiyadan faydalanır. Burada autizm sindromlu uşaqların qayğısı ilə müvafiq təlim keçən mütəxəssislər məşğul olurlar.
Birinci vitse-prezident Mehriban Əliyeva Mərkəzin kollektivini, burada müalicə alan uşaqları və ailə üzvlərini Dünya Azərbaycanlılarının Həmrəylik Günü və Yeni il bayramı münasibətilə təbrik etdi, onlara uğurlar arzuladı.
![](https://www.ens.az/images/uploads/d801cb7d4c730aa777aa63334a5b8f9c.jpg)
![](https://www.ens.az/images/uploads/fe8b77409e949a1bec505a796767c37b.jpg)
![](https://www.ens.az/images/uploads/ab4cb69f23778d1556955cb2fa6814b9.jpg)
![](https://www.ens.az/images/uploads/9539ca03d263d658811d14d239e712de.jpg)
![](https://www.ens.az/images/uploads/e3da48daef08d7e6ff6db43bdc1b875b.jpg)
![](https://www.ens.az/images/uploads/10e16ff6de73f491c334bfeb19d23cd5.jpg)
![](https://www.ens.az/images/uploads/6ad769d5fe2cd298f1ca9f8cf449be45.jpg)
![](https://www.ens.az/images/uploads/1684b17efd4c87f85a52f60f7be935d8.jpg)
![](https://www.ens.az/images/uploads/4c40d53f7f7f239e25afc38af50f7336.jpg)
![](https://www.ens.az/images/uploads/e737ff8ba6f8020e51a88edf8694b26d.jpg)
![](https://www.ens.az/images/uploads/7cba5ff12cf80e7078403cd485eae7c9.jpg)
![](https://www.ens.az/images/uploads/fba086bf71e0ef276a4e6ad78cbfdea4.jpg)
![](https://www.ens.az/images/uploads/0b2d7a3580827b15cfd779c43e97daa8.jpg)
![](https://www.ens.az/images/uploads/f928b3b489423381dbbe9d85328b0970.jpg)
![](https://www.ens.az/images/uploads/71abdd7c3cd19afff5119a86bf1fe76f.jpg)
![](https://www.ens.az/images/uploads/4c3e216d4a5af0316e6aaeb9a23a6a5c.jpg)
![](https://www.ens.az/images/uploads/343105d4c6d25da068f9faaff4cca56d.jpg)
![](https://www.ens.az/images/uploads/87976d17b5186bb930cd9dbf016399d1.jpg)
![](https://www.ens.az/images/uploads/126b679a4f4265db77882990e4b6fbd7.jpg)
![](https://www.ens.az/images/uploads/845bcd4c198f52b2137c9a1c5c6d730a.jpg)
![](https://www.ens.az/images/uploads/da68f2a76990cd5784922a0b3bc8e00c.jpg)
Şərhlər
Şərhləri göstər Şərhləri gizlət