![Mehriban Əliyevadan möhtəşəm qərar: Bina sökülməyəcək](https://ens.az/images/news/fedf922cc35e4f8d9df555681194d402.jpg)
Mehriban Əliyevadan möhtəşəm qərar: Bina sökülməyəcək
Azərbaycanın və onun paytaxtı Bakının memarlıq və tarixi irsinin qorunub saxlanılması hər birimiz üçün prioritet məsələdir. Onun həlli üçün həm vətəndaş mövqeyi, həm insanların öz doğma şəhərinin simasına biganə yanaşmaması, həm də fəal ictimai nəzarət gərəkdir.
Kult.az xəbər verir ki, bu barədə Azərbaycanın Birinci vitse-prezidenti, Heydər Əliyev Fondunun Prezidenti Mehriban Əliyeva İnstaqram" səhifəsində bildirib.
"Bakının Süleyman Rüstəm küçəsindəki qədim bina ətrafında yaranmış vəziyyət dövlətin nəzarəti altındadır. Ölkəmizin mədəni irsinə xələl gətirilməməsi üçün bütün lazımi tədbirlər görülür, axı unikal və müxtəlif memarlıq abidələri bizim ümumi sərvətimizdir. Ölkəmizi, şəhərimizi doğma evimiz – ümumi evimiz kimi qorumalıyıq", - vitse-prezident qeyd edib.
Qeyd edək ki, paytaxtın Süleyman Rüstəm küçəsi 10 ünvanında yerləşən, əvvəllər "Malakan dua evi" kimi tanınan binanın söküləcəyi ilə bağlı xəbər yayılmışdı.
Şərhlər
Şərhləri göstər Şərhləri gizlət