“Messi və Ronaldo ilə müqayisə olunmaq istəmirəm”

“Çelsi”nin futbolçusu Eden Hazard Kriştiano Ronaldo və Lionel Messi ilə müqayisə olunmaq istəmədiyini deyib.

Komanda.az xəbər verir ki, belçikalı futbolçu əsas hədəfinin komanda ilə uğur qazanmaq olduğunu bildirib. Hazard İngiltərə mətbuatına açıqlamasında bunları deyib:

“Statistikamı artırmaq kimi bir hədəfim yoxdur. Əsas istəyim, komanda ilə bərabər uğurlar qazanmaqdır. Ötən mövsüm 1 kubok qazandıq, bu il 2 kubok istəyirik. Nə qədər qol vurmağımın əhəmiyyəti yoxdur. Statistikam artdıqca, Ronaldo və Messi ilə müqayisə edilirəm. Bu məni məmnun edir, amma bunlar mənim üçün əhəmiyyətli deyil. Vacib olan komandanın uğurlarıdır”.

Hazard cari çempionatda “Çelsi” ilə çıxdığı 6 matçda 5 qol vurub.