![Messi XXI əsrdə İspaniya çempionatında 150 uğurlu ötürmə etmiş ilk futbolçu oldu](https://ens.az/images/news/84d4df4c769a2b3318ac79189f876f36.jpg)
Messi XXI əsrdə İspaniya çempionatında 150 uğurlu ötürmə etmiş ilk futbolçu oldu
“Barselona”nın argentinalı forvardı Lionel Messi XXI əsrdə İspaniya çempionatında qolla nəticələnmiş ötürmələrinin sayını 150-yə çatdıran ilk futbolçu oldu. Bu barədə “gazeta.ru” “Opta Sports”a istinadla məlumat yayıb.
AZƏRTAC xəbər verir ki, bazar günü milli birinciliyin üçüncü turunda “Barselona” 8:2 hesabı ilə “Hueska”nı darmadağın edib. Messi öz hesabına 2 qol və nəticəsi olan 2 ötürmə yazıb.
Otuz bir yaşlı argentinalının hesabında cəmi 151 ötürmə var. O, fəaliyyətdə olan futbolçular arasında Avropa birinciliklərinin ən yaxşı 5 assistenti reytinqində birinci yerdədir. Messi ispan Sesk Fabreqası (“Çelsi”, 143), Almaniya komandasında çıxış edən Mesut Ozili (“Arsenal”, 128), portuqal Kriştianu Ronaldunu (“Yuventus”, 122) və braziliyalı Daniel Alvesi (PSJ, 110) geridə qoyur.
Şərhlər
Şərhləri göstər Şərhləri gizlət