"Milan" "Atletiko"nun futbolçusu ilə razılıq əldə edib

"Milan" "Atletiko"nun futbolçusu ilə razılıq əldə edib

İspaniyanın "Atletiko" klubunun futbolçusu Dieqo Qodin karyerasını İtaliya təmsilçisi "Milan"da davam etdirməyə çox yaxındır.

"Report" calciomercato.com saytına istinadən xəbər verir ki, 32 yaşlı müdafiəçi artıq İtaliya klubu ilə razılıq əldə edib. Anlaşmaya əsasən, uruqvaylı oyunçu 2,5 illik sözləşməyə imza atacaq. O, "Milan"da illik 4 milyon avro qazanacaq. 

Qeyd edək ki, Dieqo Qodinin "Atletiko" ilə müqaviləsi 2019-cu ilin yayında başa çatacaq. "Milan" isə müdafiəçinin qış transfer pəncərəsində sərbəst qalması üçün madridliləri razı salmağa çalışacaq.