"Milan" hücumçusunu icarəyə verdi

"Milan"ın hücumçusu Andre Silva karyerasını İspaniyada davam etdirəcək.

Qol.az xəbər verir ki, “Sevilya” portuqaliyalı futbolçunu icarəyə götürüb. Məlumatı La Liqa təmsilçisinin rəsmi saytı yayıb. İspan klubu mövsümün sonunda 38 milyon avro ödəyib gənc forvardı birdəfəlik transfer edə bilər.

Qeyd edək ki, “Milan”ın heyətində ümumilikdə 40 oyun keçirən Silva 10 qol vurub.