Millət vəkili: Yas mərasimləri sadə və israfçılıqdan kənar keçirilməlidir

Yas mərasimləri sadə və israfçılıqdan kənar keçirilməlidir.

Bunu Trend-ə millət vəkili Rauf Əliyev deyib.

Millət vəkili bildirib ki, son illərdə artıq cəmiyyətdə daha çox insan yas mərasimlərinin, ehsan süfrələrinin təmtəraqdan uzaq, islami qaydalara uyğun olaraq sadə və israfçılığa yol vermədən keçirməyi daha məqsədəuyğun hesab edirlər:

R.Əliyev qeyd edib ki, yas mərasimlərinin sadə və israfçılıqdan uzaq keçirilməsi əhali arasında aparılan dini maarifləndirmə işləri və dini hökmlərin tələblərinin düzgün izah olunması ilə mümkün olub:

"Yas mərasimlərinin keçirilməsi ilə bağlı heç kimə təzyiq göstərmək olmaz, bu məsələ yalnız islami tələbləri insanlara düzgün izah edilməsi yolu ilə həll oluna bilər. Bu məsələ ilə bağlı kütləvi informasiya vasitələrində maarifləndirici verlişlərin daha çox təşkil olunmasına, məqalələrin yazılmasına, ən vacibi isə yerlərdə din xadimləri, ağsaqqallar və ziyalılar tərəfindən əhali arasında geniş təbliğat işlərinin aparılmasına ehtiyac var".