Millimiz İspaniya ilə bir qrupda
Futbol üzrə qadınlardan ibarət Azərbaycan milli komandasının AVRO-2021-in seçmə mərhələsindəki rəqibləri müəyyənləşib.
“Qafqazinfo” xəbər verir ki, İsveçrənin Nyon şəhərində UEFA-nın mənzil-qərargahında keçiriləm püşkatma mərasimində 5-ci səbətdə yer alan yığma D qrupunda mübarizə aparacaq. Vüqar Əsgərlinin rəhbərlik etdiyi kollektiv İspaniya, Çexiya, Polşa və Moldova komandalarına rəqib olub.
Püşkatmada 48 yığma komanda iştirak edib və püşk nəticəsində 9 qrupa bölünüb. Azərbaycan millisi 2009-cu ildə sonra ilk dəfə seçmə mərhələdə qüvvəsini sınayacaq. Eyni zamanda Kosovo da tarixində ilk dəfə püşkdə yer alıb.
Qeyd edək ki, qrup qalibləri və 2-ci yeri tutan ən yaxşı nəticəyə malik 3 komanda final mərhələsinə vəsiqə qazanacaq. Digər 6 kollektiv isə 2021-ci ildə İngiltərə keçiriləcək yarışa düşmək üçün play-off oynaycacaq.
Şərhlər
Şərhləri göstər Şərhləri gizlət