Mirzə Məhəmməd Katib - Hiç aşiq maili-zülfü zənəxdan olmasın
Hiç aşiq maili-zülfü zənəxdan olmasın,
Dəhrdə divaneyi-zənciri-zindan olmasın.
Mən çəkən möhnətləri aləmdə kafər çəkməsin,
Küfri-zülfün görməsin, halı pərişan olmasın.
Gün qabağında, amandı, əzmi-cövlan eyləmə,
Sayə tək zülfün yenə xakilə yeksan olmasın.
Badə vermə zülfünü, hər ləhzə lərzan eyləmə,
Mənzili-şami-qəriban onda viran olmasın.
Şanə urma zülfünə, dünyanı zülmət eyləmə,
Katibin sövdasın artırma, pərişan olmasın.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət