Molla Cümə - Qoşuldu
Yenə dərdim həddən aşdı,
Canım odlara qoşuldu.
Bağrı nəmli, gözü yaşlı,
Adım, adlara qoşuldu.
Şad könlümə su bağlandı,
Ciyərim çarpaz dağlandı.
İsmi-pünhan sığallandı,
Gedib yadlara qoşuldu.
Molla Cuma dərd yığnağı,
Gövdəsi hicran ağnağı,
Sər dəhanın boğanağı,
Qalxıb badlara qoşuldu.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət