Molla Məhəmməd Zövi - Nə saqiyü nə ləbi-ləlfamə müştaqəm

Nə saqiyü nə ləbi-ləlfamə müştaqəm,
Nə rahi-ruhəfzayə, nə camə müştaqəm.

Bəsani-zəhr məzaqımda təlxdir şəkkər,
Zibəs ki ol məhi-şirinkəlamə müştaqəm.

Əzəldə istər idim vəslüvü, vəli hala
Nəvidi-qətl verən bir pəyamə müştaqəm.

Nə sərvə meyl edərəm, nə sənubərə kim, mən
O qədr ol büti-tubaqiyamə müştəqam.

O şəms vəsli deyil arizu mənə, Zövi,
Dilindən ol sənəmin bir səlamə müştaqəm.