Moskvanın Yerevandakı səfiri Rusiya XİN başçısının müavini olacaq

Moskvanın Yerevandakı səfiri Rusiya XİN başçısının müavini olacaq

Rusiyanın Ermənistandakı keçmiş səfiri İvan Bolınkin Ruisya xarici işlər nazirinin müavini təyin ediləcək.

“Report” xəbər verir ki, bu məlumatı “Kommersant” yayıb.

O, Rusiya xarici işlər nazirinin müavini Qriqori Karasinin yerinə təyin olunacaq.

Qeyd edək ki, İvan Volınkin 1959-ci il martın 11-də anadan olub. O, hazırda Rusiya Xairic İşlər Nazirliyinin Konsulluq İdarəsinin direktoru vəzifəsində işləyir. İ.Volınkin Moskva Dövlət Beynəlxalq Münasibətlər İnsititutunu bitirib. 1981-ci ildən Xarici İşlər Nazirliyi sistemində işləyir. O, Rusiya və keçmiş SSRİ-nin Serbiya, Yuqoslaviya, ABŞ, Çernoqoriya, Gürcüstan və Makedoniyadakı səfirliklərində və nümayəndəliklərdə müxtəlif vəzifələri tutub. 2009-2013-cü illərdə Rusiyanın xarici işlər naziri Sergey Lavrovun köməkçisi, 2013-2018-ci illərdə Rusiyanın Ermənistandakı səfiri vəzifəsində çalışıb.