Müəllimlərin yerdəyişməsi müsabiqəsinə çıxarılan vakant yerlər ilə necə tanış olmaq olar?

Müəllimlərin yerdəyişməsi müsabiqəsinin iyun ayında keçirilməsi nəzərdə tutulur.

AzEdu.az xəbər verir ki, bu il ötən illərlə müqayisədə, müəllimlərin yerdəyişməsi və işə qəbulu üzrə müsabiqənin qaydalarında ciddi dəyişikliklərin edilməsi planlaşdırılmır.

Bəs müəllimlərin iş yerlərinin dəyişdirilməsi müsabiqəsinə çıxarılan vakant yerlər ilə necə tanış olmaq olar?

AzEdu.az müəllimlərin çoxsaylı suallarını nəzərə alaraq sualın cavabını təqdim edir.

-Namizəd qeydiyyatdan keçdikdən sonra elektron ərizənin tələb olunan bölmələrinə şəxsi məlumatlarına əsasən məlumatları yerləşdirir. Məhz bundan sonra elektron ərizənin son bölməsində namizəd yalnız öz ixtisasına uyğun olaraq vakant yerlərə  baxaraq seçim edə bilər.

Qeyd edək ki, ümumi təhsil müəssisələrində müddətsiz müqavilə ilə işləyən müəllimlərin iş yerinin digər ümumtəhsil müəssisələrinə dəyişdirilməsi bir mərhələdə proqram təminatı tətbiq olunmaqla həyata keçirilir.