![Mxitaryanla bağlı problemi həll etmək lazımdır – Kərimov](https://ens.az/images/news/e6c1c905d3ee3f0b0643d287b93b8b5f.jpg)
Mxitaryanla bağlı problemi həll etmək lazımdır – Kərimov
Rusiyanın "Matç TV" telekanalının şərhçisi Elvin Kərimov "Arsenal"ın yarımmüdafiəçisi Henrix Mxitaryanın Bakıya səfəri məsələsinə münasibət bildirib.
Goal.az xəbər verir ki, azərbaycanlı jurnalist erməni futbolçu ilə bağlı vəziyyətin mürəkkəb olduğunu söyləyib:
"Mxitaryanla bağlı vəziyyət bir qədər qəlizdir. Heç bir idmançı belə bir durumla üzləşməməlidir. Avropa Liqasının finalı da Bakıda keçiriləcək, ona görə bu problemi həll etmək vacibdir. İdman insanları birləşdirir, qarşılıqlı ünsiyyətə kömək edir".
Qeyd edək ki, "Arenal"ın Mxitaryanı Avropa Liqasının qrup mərhələsinin 2-ci turunda "Qarabağ"la oyun üçün Bakıya gətirib-gətirməyəcəyi hələ də bilinmir. Görüş oktyabrın 4-də Bakı Olimpiya Stadionunda keçiriləcək və 20:55-də başlayacaq.
Şərhlər
Şərhləri göstər Şərhləri gizlət