NATO-nun mənzil-qərargahında Azərbaycan Silahlı Qüvvələri Günü münasibətilə tədbir keçirilib

Azərbaycan Silahlı Qüvvələrinin yaradılmasının 105 və ümummilli lider Heydər Əliyevin 100 illik yubileyləri münasibətilə ölkəmizin NATO yanında nümayəndəliyi tərəfindən Alyansın Brüssel şəhərində yerləşən mənzil-qərargahında rəsmi qəbul təşkil edilib.

Ens.az Oxu.az-a istinadən xəbər verir ki,  bu barədə Azərbaycan Respublikasının NATO yanında nümayəndəliyindən məlumat verilib.

Bildirilir ki, tədbirdə NATO baş katibinin köməkçiləri, NATO-nun üzv və tərəfdaş ölkələrinin Alyans yanındakı səfirləri, hərbi nümayəndələri, diplomatik korpusun üzvləri, NATO-nun Beynəlxalq Qərargahının və Beynəlxalq Hərbi Qərargahının üzvləri, Alyansın Müttəfiq Qüvvələrinin Avropadakı Ali Baş Qərargahının (SHAPE), eləcə də NATO-nun Dəstək və Təchizat Agentliyinin yüksək vəzifəli rəsmiləri iştirak ediblər.