![Naxçıvanda Azərbaycan-Türkiyə birgə döyüş atışlı taktiki təlimi keçiriləcək](https://ens.az/images/news/fe267d9734267cf6b1787f897dd0e142.jpg)
Naxçıvanda Azərbaycan-Türkiyə birgə döyüş atışlı taktiki təlimi keçiriləcək
Azərbaycan Respublikası ilə Türkiyə Respublikası arasında imzalanmış hərbi əməkdaşlıq haqqında sazişə əsasən, iyunun 7-dən 11-dək Naxçıvanda “Sarsılmaz qardaşlıq-2019” birgə döyüş atışlı taktiki təlimi keçiriləcək.
Müdafiə Nazirliyindən "Report"a verilən məlumata görə, təlimə hazırlıq çərçivəsində iki qardaş ölkənin dövlət bayraqlarının dəyişmə mərasimi keçirilib.
Bayraqdəyişmə mərasimində iştirak etmək üçün Əlahiddə Ümumqoşun Ordunun bayraq taqımı Naxçıvan şəhərindən Sədərək sərhəd-keçid məntəqəsinə-Araz çayı üzərindəki “Ümid” körpüsünə doğru yürüşə başlayıb.
Eyni zamanda Türkiyə Respublikasının bayraq taqımı da Qars şəhərindən Sədərək sərhəd-keçid məntəqəsinə doğru yürüş edib.
“Ümid” körpüsü üzərində Azərbaycan və Türkiyənin dövlət himnləri səsləndirildikdən sonra iki qardaş ölkənin dövlət bayraqlarının dəyişmə mərasimi keçirilib.
![](https://www.ens.az/images/uploads//044abaca56b8270096e9af4a65a34d23.jpg)
![](https://www.ens.az/images/uploads//56f99d50a5ee5d330b202b4f1396fa62.jpg)
Şərhlər
Şərhləri göstər Şərhləri gizlət