Nazir: “Mümkün zəlzələ zamanı İstanbul üçün xüsusi təxliyə planı hazırlamışıq”

Nazir: “Mümkün zəlzələ zamanı İstanbul üçün xüsusi təxliyə planı hazırlamışıq”

Türkiyə nəqliyyat və infrastruktur naziri Abdulkadir Uraloğlu zəlzələ zamanı İstanbul üçün xüsusi təxliyə planı hazırladıqlarını bildirib.

“Report” Türkiyə KİV-inə istinadən xəbər verir ki, nazir xüsusilə Kınalı-Malkara yolunda evakuasiya və təcili yardım məsələsinə diqqət çəkib:

"Xüsusilə magistral yollarda zəlzələyə qarşı möhkəmləndirilmə işləri görürük. Hazırda İstanbulda iş gedir. Kınalı-Malkara dediyimiz Çanaqqala istiqamətindən həm evakuasiya, həm də təcili yardım göstərəcəyik. Eyni şəkildə Osman Qazi Körpüsü və Şimali Mərmərə şossesindən bu işləri təmin edəcəyik. AFAD evakuasiya planlamasını birinci dərəcədə həyata keçirir".