Niyə insanlar qabarcıqları partlatmağı sevirlər

 Bir çox insan, onlayn mağazadan kiçik bir paket aldıqdan sonra, məhsulun qablaşdırıldığı qabarcıqlı paketdəki qabarcıqları partlatmağa başlayacaq.  Bu hərəkət praktik olaraq şüursuz edilir, ancaq zövq verir. Sözügedən paketin yayılma dərəcəsini və qabarcığın partladılma prosesinə olan sevgini nəzərə alaraq alimlər,  bu qəribə  vərdişin səbəbini aydınlaşdırmaya bilməzdilər.

 1992-ci ildə West New England Universitetindən  olan Keytlin Dilonun apardığı təcrübənin nəticələri “Psychological Reports “ (Psixoloji Hesabatlar) jurnalında dərc edilib

 Bir qrup tələbəyə 2 sıra qabarcıq olan paket verildi və onların tapşırığı çox  sadə idi - qabarcıqları partlatmaq. Nəzarət qrupuna isə heç nə verilmədi.  Təcrübənin sonunda təcrübə qrupu özlərini  həmkarlarından daha sakit və  gümrah hiss edirdilər.  Qabarcıqları partlatdıqdan sonra  iştirakçılarda diqqətin konsentrasiyası yüksəlmişdi.

 Alınan nəticələri təhlil edərək alim,  insanın  qabarcıqları partlamasına olan  reaksiyasının stresə qarşı olan reaksiya ilə əlaqəli olduğu qənaətinə gəldi.  İnsan qabarcıqları partlatma ilə məşğul olduqda, mövcud vəziyyət haqqında daha çox düşünmək və diqqətlə düşünülmüş qərar vermək fürsəti əldə edir.  Burada insanı nəyin maraqlandırması vacib deyil - istefa məktubu yazmaq, maaş artımı tələb etmək və ya arifmetik tənliyi necə həll etmək.

 Qabarcıqların partladılma  prossesi  özü  real stresli bir vəziyyətin artmasına və onun həllinə bənzəyir (hava əvvəlcə sıxılır və sonra birdən sərbəst buraxılır).  Hər bir insan xoşagəlməz hisslərin boyunduruğundan azad olma  hissi keçirməyə başlayır, beyin norepinefrin və dopamin istehsal etməyə başlayır.  Və bunlar xoşbəxtlik hormonları hesab edilir.

 İzahı maraqlı görünür, barmaqların hərəkətləri müəyyən təbii sakitləşdirici olmaqla, orqanizmə müəyyən  nizam hissi verir.  Bu zövq,  incə motorik bacarıqların inkişafı ilə əlaqələndirilir.

 Son dövrlərdə insanların  qabarcıqları partlatmağı niyə belə  sevdiyini araşdırmağa çalışan alimlərin gülməli fikirləri olduğu ortaya çıxdı.  Bu mütəxəssislər "qruminq"i (ev heyvanları üçün  kompleks gigiyenik və estetik qulluq) xatırlayırlar  - primatlar  bir-birinin dərisini həşəratlardan təmizləyərkən meymunlar parazitləri tutur və əzir, bu zaman  xarakterik bir səs çıxır.

 İndi müqayisə olunmaz dərəcədə yaxşılaşdırılmış gigiyena səbəbiylə insan üçün bu cür hərəkətlər etmək lazım deyil, ancaq əcdadlardan gələn təkamül yaddaşı hələ də qalır.

 Qabarcıqları partlatma sevgisi,  insanın öz güclərini məhv etmək və ya nümayiş etdirmək istəyinin təzahürüdür.  Lakin alimlər arasında bu yanaşmanı dəstəkləyənlər nisbətən azdır.

 Yeri gəlmişkən,  ilk dəfə 1960-cı ildə qabarcıqlı paketi istehsal edən Sealed Air şirkəti,  2015-ci ildə məhsulu təkmilləşdirdiyini və paketdəki qabarcıqları  təzyiqə davamlı etdiyini elan etdi.  Bu xəbər dünyada çox sayda internet istifadəçisi arasında qəzəb və narazılığa səbəb oldu.

Mənbə: zen.yandex.az