Ötən il dövlətə 2,83 mlrd. kubmetr səmt qazı verilib

 2017-ci ildə Azərbaycanda Hasilat Sənayesində Şəffaflığa (HSŞ) qoşulmuş şirkətlər dövlətə 2 830 760,176 min kubmetr həcmində səmt qazı verib.

“Report” xəbər verir ki, bu barədə 2017-ci il üzrə Hasilat Sənayesində Şəffaflıq Hesabatında qeyd olunub.

Bu həcm 2016-cı ildən 1% azdır.

Hesabata əsasən, BP şirkəti tərəfindən 2 733 130,172 min kubmetr (“Azəri-Çıraq-Günəşli” (AÇG) yataqlar blokundan) həcmində səmt qazı verilib.

Ötən il dövlətə “Abşeron İnvestment Limited” 30 941,511 min kubmetr, “Azen Oil Company B. V” 2 735,330 min kubmetr, “Bahar Energy Limited” 656,870 min kubmetr, CNPC 38 620,446 min kubmetr, “Karasu Development Company” 1,465 mln. kubmetr, “Novatis Oil F.Z.E” 4 155,388 min kubmetr, “Shirvan Investment limited” 9 625,590 min kubmetr, “UGE Lancer PTE. Ltd” 9 429,869 min kubmetr həcmində səmt qazı verib.

Hesabat dövründə “Bahar Energy” dövlətə 6 301,823 min kubmetr həcmində təbii qaz da verib.