Özümüz üçün uydurduğumuz 7 yalan növü

Bizə yalan danışanda küsürük və əsəbləşirik, lakin özümüzdə küsmürük. Bəli, bəli. Özümüz özümüzə yalan danışanda küsmürük. Beynin “qalxan”ı aktivləşir, şüurluluq aşağı düşür və yalan bizdən asanlıqla yan keçir. Onunla da biz yaşayırıq. Bu kədərlidir, dostlar.

Belə yalan özünü nədə göstərir?

Biz özümüzə necə zərər yetiririk?

1. “Mən bunu sonra edə bilərəm”

İnkar etməyə hazırsınız? Xeyr, biz israr edəcəyik. Hər kəs planları, məqsədləri və arzularını sonraya saxlayaraq bu ifadəni işlədir. Maraqlıdır, siz ölümünüzə nə qədər vaxtın qaldığını bilsəniz, yenə belə deyərsiniz?! Müasibət odur ki, biz ölümə nə qədər qaldığını heç vaxt bilmirik. Bəzən siz oyana bilərsiniz və sonraya saxladıqlarınız üçün artıq vaxt olmaya bilər. Heç kim onu gələcəkdə nə gözlədiyini bilmir.

Reallıqla yaşayın. Hazırki anla yaşayın! Əgər siz özünüzə yalan danışmağın qarşısını ala bilmirsinizsə, siz nəyə müvəffəq olacaqsınız?

2. “Mən bunun üçün çox qocayam (axmağam)”

Siz heç nə üçün heç vaxt çox qoca olmayacaqsınız. Nelson Mandela prezident olanda 76 yaşı var idi. Leonardo da Vinçi Cokondanı 51 yaşında çəkib.

Siz heç vaxt heç nə üçün axmaq olmayacaqsınız. Aktyor Harrison Ford 35 yaşına qədər adi dülgər olub. 1908-ci ildə özünün inqilabi avtomobil modelini yaradanda Henri Fordun 45 yaşı var idi. Belə çoxlu nümunələr çəkmək olar. Nə qədər ki, sizin vaxtınızın keçdiyini fikirləşirsinizsə və özünüzə şübhə edirsinizsə, siz öz imkanlarınızın reallaşması üçün inamı və gücü itirisiniz.

Gəlin seçim edək: vaxtı ötürmək daha yaxşıdır, yoxsa işə başlamaq.

3. “Heç kim məni başa düşmür”

Dünyada insanların əksəriyyəti məhz belə düşünür. Bu mənada heç kim tək deyil! İnsanların sizi başa düşməməsinin səbəbinin sizinlə razı olmadıqlarını düşünməyin. Çünki siz məhz o insanı tapmayıbsınız və hesab edirsiniz ki, “heç kim sizi başa düşmür”.

Belə düşünməklə siz tənhalığın qurbanı olursunuz. Ayıbdır, düzdür?

4. “Mən qurbanam...”

“Öz keçmişimin qurbanı”, “valideynlərimin qurbanı”, “zalım ərin (arvadın) qurbanı”, “uğursuz sevginin qurbanı”, “uşaqlıqda həqarət qurbanı”. Bizim hər birimizin keçmişdən gələn problemlərimiz var. Bu normaldır! Hər kəs belə ağır və çətin anlardan keçir. Lakin bunu özünüzlə daşımağın və ya bundan azad olmağın qərarını siz özünüz verirsiniz.

Mənəvi yükünüz varsa sadəcə onu buraxın. Özünüzün üzərində işləyin. Yoxsa özünüzə yazığınız gəlmək daha asandır?

5. “Mənim bəxtim gətirmir, heç cəhd etməyə belə dəyməz”

Hər birimiz fərqliyik, hər kəsin özünün özəl başlanğıcı və imkanları var. Əgər bir şeyi güclü istəyirsiniz və hərəkət edirsinizsə onda hər şey alınır, bu sadəcə səbr və vaxt məsələsidir. Əgər “bəxtsiz”sinizsə, deməli yaxşı cəhd etməmisiniz. 10 dəfə cəhd edin, yenidən yüksəlin və öz iniltinizlə uğurunuzu qaçırmayın.

6. “Hər şey yaxşıdır, məni hər şey qane edir”

Belə insanlara baxsaq xoşbəxt kimi görünərlər. İstədiyiniz hər şeyə nail olubsunuz? Bütün arzularınızı reallaşdırmısınız? Başqa məqsədiniz yoxdur? İnanmayacağıq. Sizi sadəcə az qane edir, bütün məsələ bundadır! Hesab edirsiniz ki, siz daha yaxşısına layiq deyilsiniz? Öz fikirlərinizi aydınlaşdırın və yeni zirvələrə doğru irəliləyin!

7. “Bu mənim üçün deyil”

Yenə də bu da nəyisə öyrənməl, etmək və nail olmaq istəyi məsələsidir. Hər kəsin müxtəlif bacarıığı var. Lakin biz dünyadakı hər işdə professional olmağa can atmırıq. Sadəcə olaraq fəaliyyətə başlayın! Siz özünüz özünüzə “bu mənim üçün deyil” sərhədi qoyursunuz.

Tərcümə: Famil Ələkbərov