Parlamentdə maaşların artırılması təklif olundu

Parlamentdə maaşların artırılması təklif olundu

“Azərbaycanda təkcə büdcədən ayrılan vəsait hesabına ümumi daxili məhsulu (ÜDM) 3 faizə qədər artırmaq olar. Necə olur ki, o qədər vəsait ayrılır, ancaq ümumi daxili məhsulun 2 faiz artırılması proqnozlaşdırılır və cəmi 0,8 faiz artım var. Deməli, vəsaitdən səmərəli şəkildə istifadə olunmur. Bunu başqa cür izah etmək mümkün deyil. Ona görə də hesab edirəm ki, bu istiqamətdə monitorinqlər aparılmalıdır”.

Azvision.az xəbər verir ki, bunu Azərbaycanın 2019-cu il üçün dövlət büdcəsinin Milli Məclisdə müzakirəsi zamanıdeputat Əli Məsimli deyib.

Deputat bildirib ki, Cənubi Qafqazın iqtisadiyyatının 3-də 2-ni təşkil edən Azərbaycanda minimum əmək haqqı başqalarından aşağıdır: “Bu, heç bir məntiqə sığan bir şey deyil. Bu, Hesablama Palatasının rəyində də öz əksini tapıb. Azərbaycan vətəndaşlarının gəlirlərinin strukturu analiz olunmalıdır. Çünki büdcədə əmək haqqının payı çox aşağıdır. Neçə ildir ki, Azərbaycanda infilyasiyanın artım tempi əhalinin gəlirlərini üstələyir. İndiyə qədər əmək haqqının artımı inflyasiyanı kompensassiya etməyib. Bununla bağlı ciddi analizlər aparılmalıdır. Büdcə təşkilatlarında çalışanların maaşlarının artırılması istiqamətində gözə görünən, nəzərə çarpan addımlar atılsın”.