Paşinyanın Qarabağ manevri azalır – Pol Qoblun şərhi

Ermənistanın Baş nazirin Nikol Paşinyanın Dağlıq Qarabağ münqaşəsi ilə bağlı manevr imkanları azalmaqdadır.

Bu sözləri Axar.az-a açıqlamasında ABŞ Mərkəzi Kəşfiyyat İdarəsinin keçmiş məsləhətçisi, ABŞ-ın keçmiş dövlət katibi Beykerin Sovet İttifaqı millətləri üzrə müşaviri Pol Qobl Vyana görüşü haqda danışarkən deyib.

Ekspertin sözlərinə görə, Çarukyanın rəhbərliyi ilə fəaliyyət göstərən qüvvələr heç vaxt kifayət qədər güclü olmayıb, amma indi təsir gücünə malikdir:

“Antipaşinyan qüvvələr Qarabağ konflikti istiqamətindəki danışıqların gözlənildiyi sürətlə inkişafına maneçilik törədəcək. Bu o deməkdir ki, bu qüvvələr Paşinyanın razılığa doğru irəliləməyə gətirib çıxara biləcək əhəmiyyətli dəyişikliklər edə bilməsinə imkan verməyəcək”.