Pol Poqba "Mançester Yunayted"dən ayrılacaq?
"Mançester Yunayted"in futbolçusu Pol Poqbanın baş məşqçi Joze Mourinyo ilə problemlər yaşadığı barədə xəbərlər İngiltərə mediasının sevimli mövzularından birinə çevrilib. Fransalı futbolçu "Barselona"da oynamaq arzusundadır.
SİA-nın məlumatına görə, Poqbanın agenti onu yenidən "Yuventus"a təklif edib. “Qoca sinyora”nın 25 yaşlı yarımmüdafiəçi üçün istənilən məbləği ödəməyə hazır olduğu, bu barədə futbolçunun meneceri Mino Rayolaya da məlumat verildiyi bildirilir.
Poqba isə “Qırmızı şeytanlar"la davam etmək istəməsə də, Zinəddin Zidanın bura gələcəyi ilə bağlı yayılan iddialardan sonra gözləməyi üstün tutur.
2016-cı ildə 105 milyon avro müqabilində "Yuventus"dan transfer olunan 25 yaşlı futbolçu, son iki mövsümdə onun üçün ödənilən pulun qarşılığını verməməkdə ittiham olunur.
Şərhlər
Şərhləri göstər Şərhləri gizlət