Postlarda sərnişinlərin qeydiyyatı yoxlanılır - Polis gücləndirilmiş iş rejimində çalışır

Rayon qeydiyyatında olan vətəndaşların Bakı, Sumqayıt şəhərlərinə və Abşeron rayonuna girişinə qadağa ilə əlaqədar qərar artıq iki gündür ki, icra edilir. Yollarda qurulan xüsusi postlarda paytaxt istiqamətində gələn sürücü və sənişinlərin sənədləri yoxlanılır. Proses necə tənzimlənir, əməkdaşımız Heydər Məmmədovun süjetini izləyək, biləcəyik.

Baş dövlət yol polis idarəsinin yol patrul xidmətinin baş İnspektoru Bakir Həsənov bildirdi ki, qərara görə paytaxta gələnlərin sayında azalma müşahidə edilir. Amma qərara fikir vermədən yola çıxanlar da var. İstisna hallar isə nəzərəm alınır.

Bakıdan rayonlara getmək istəyənlər üçün isə Novruz bayramı ilə əlaqadar qatarların ölkədaxili hərəkəti bərpa edilib. Azərbaycan dəmiryolları qapalı səhmdar cəmiyyətinin mətbuat katibi Natəvan Bayramova bildirdi ki, bilet satışı yalnız 19, 20 mart tarixləri üçün nəzərdə tutulub.

Natavan Bayramovanın sözlərinə görə, Martın 29-dan sonra isə qatarların əvvəlki qaydada hərəkəti nəzərdə tutulur.

Mənbə: atv.az