Prezident səfirlərin etimadnamələrini qəbul etdi

Azərbaycan Respublikasının prezidenti İlham Əliyev avqustun 8-də Şri-Lanka Demokratik Sosialist Respublikasının ölkəmizdə yeni təyin olunmuş səfiri Məhəmməd Şərif Anisin etimadnaməsini qəbul edib.

Oxu.Az-ın xəbərinə görə, prezident İlham Əliyev avqustun 8-də həmçinin Bəhreyn Krallığının ölkəmizdə yeni təyin olunmuş səfiri Ebrahim Yusuf Al-Abdullanın etimadnaməsini qəbul edib.

Prezident, eyni zamanda, Koreya Xalq Demokratik Respublikasının ölkəmizdə yeni təyin olunmuş səfiri Kim Hen Cunun etimadnaməsini qəbul edib.