Prezidentin təltif etdiyi icra başçısı kimdir?

Xəbər verdiyimiz kimi, bu gün Azərbaycan Prezidenti İlham Əliyev Biləsuvar İcra Hakimiyyətinin başçısı Mahur Quliyevi “Vətənə xidmətə görə” ordeni ilə təltif edib.

Axar.az xəbər verir ki, Mahir Quliyevin sabah 60 yaşı tamam olur. Belə ki, Mahir Hacı oğlu Quliyev 28 noyabr 1958-ci ildə Kəlbəcər rayonunda anadan olub. Naxçıvan Dövlət Universitetini bitirib. 1977-1979-cu illərdə ordu sıralarında həqiqi hərbi xidmətdə olub.

1975-1977-ci illərdə Kəlbəcər rayon kolxoz tikinti idarəsində fəhlə işləyib. Hərbi xidmətdən qayıtdıqdan sonra 1980-1981-ci illərdə "Azərnəqliyyat" tikinti trestində usta, 1981-2005-ci illərdə o zamankı "26 Bakı Komissarı" adına rayonun İctimai iaşə idarəsi nəzdində müxtəlif vəzifələrdə çalışıb.

2005-ci ildə keçirilən bələdiyyə seçkilərində Səbayıl bələdiyyəsinin üzvü seçilib.

8 sentyabr 2006-cı ildə Prezident sərəncamı ilə Astara rayonuna başçı təyin edilib.

26 aprel 2011-ci ildən Biləsuvar rayonunun icra başçısıdır.

Yeni Azərbaycan Partiyasının üzvüdür. Ailəlidir, 3 övladı var.