Professor Məryəm Seyidbəyli DOST Agentliyində “Gümüşü irs” təlim kursunda fəal iştirakına görə təltif edilib

 AZƏRBAYCAN MİLLİ ELMLƏR AKADEMİYASI ELM TARİXİ İNSTİTUTU

Professor Məryəm Seyidbəyli DOST Agentliyində “Gümüşü irs” təlim kursunda fəal iştirakına görə təltif edilib

Bakı şəhəri  02 fevral 2022

Azərbaycan Milli Elmlər Akademiyasının (AMEA) Elm Tarixi İnstitutunun (ETİ) Baş direktoru, tarix elmləri doktoru, professor Məryəm Seyidbəyli DOST Agentliyində “Gümüşü irs” təlim kursunda təlimçi-ekspert qismində fəal iştirakına görə təlimçi-ekspertlərinin mükafatlandırma mərasimində təltif edilib. 

Qeyd edək ki, “Gümüşü İrs” təlimləri Əmək və Əhalinin Sosial Müdafiəsi Nazirliyi və BMT-nin Əhali Fondunun “Bütün yaşlar üçün cəmiyyətin qurulması: fəal yaşlanma yolu ilə Azərbaycanda yaşlıların rifahının təşviq edilməsi” layihəsi çərçivəsində təşkil edilib. 

20 minədək şəxsi əhatə edən layihə yaşlıların rifah halının yaxşılaşdırılmasına töhfə verməklə Hökumətin fəal və sağlam yaşlanmanın təşviqi istiqamətində göstərdiyi səylərə dəstək vermək məqsədini daşıyıb. Azərbaycan Respublikasının Birinci vitse-prezidenti Mehriban Əliyevanın təşəbbüsü ilə həyata keçirilən layihə Dövlət Statistika Komitəsi, ASAN Xidmət, DOST Agentliyi və “Üçüncü Bahar” İctimai Birliyi ilə sıx əməkdaşlıq şəraitində icra edilib.

ETİ İctimaiyyətlə əlaqələr şöbəsi,

elmtarixi.pr@gmail.com

(012) 539 51 35