Putinin Azərbaycana səfərinin tarixi açıqlandı

Rusiya prezidenti Vladimir Putin sentyabrın 25-də Azərbaycana səfər edəcək. 

Oxu.Az xəbər verir ki, bu fikirləri Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr üzrə Komitəsinin rəhbəri Leonid Kalaşnikov Azərbaycan-Rusiya münasibətlərinə həsr olunan Bakı-Moskva videokörpüsü zamanı bildirib.

“Azərbaycan prezidenti İlham Əliyev və Rusiya prezidenti Vladimir Putin sentyabrın 25-də Bakıda görüşəcək. Liderlər sentyabrın 1-də Soçidə razılığa gəldikləri və ya razılaşmadıqları məsələləri müzakirə edəcəklər”, - L.Kalaşnikov deyib.