"Qalatasaray"ın futbolçusu Türkiyə milli komandasının heyətindən çıxarılıb
Türkiyənin "Qalatasaray" klubunun futbolçusu Serdar Aziz milli komandanın heyətindən çıxarılıb.
"Report" Türkiyə Futbol Federasiyasının saytına istinadən xəbər verir ki, buna səbəb 28 yaşlı müdafiəçinin Millətlər Liqasında Rusiya ilə matçda zədələnməsi olub. Birinci hissənin sonlarında xəsarət alan oyunçunun yerinə meydana Kaan Ayhan daxil olub.
Qeyd edək ki, Türkiyə Millətlər Liqasında Rusiyaya 1:2 hesabı ilə məğlub olub. Komandanın yeganə qolunu məhz Serdar Aziz vurub. Türkiyə növbəti oyununu sentyabrın 10-u səfərdə İsveç yığmasına qarşı keçirəcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət