![Qaraçuxurda bu məktəb sökülür - Səbəb](https://ens.az/images/news/ee676227ea755ee8ccb086cf6b408623.jpg)
Qaraçuxurda bu məktəb sökülür - Səbəb
Məktəbdə Azərbaycan və rus bölmələri üzrə ümumilikdə 1743 şagird təhsil alır
Suraxanı rayonu, Qaraçuxur qəsəbəsində yerləşən şəhid Rəsul Ənnağıyev adına 141 nömrəli məktəbin qəzalı vəziyyətdə olan birinci korpusu sökülür.
Qəzalı vəziyyətə düşmüş məktəb binası xəstəxana kimi inşa edilib 1935-ci ildən məktəb kimi istifadə edilib, 2006-cı ildə isə məktəbdə yardımçı korpus inşa edilib.
Uzun müddətdir fəaliyyət göstərən birinci korpus artıq qəzalı vəziyyətə düşüb. Bu səbəbdən hansısa xoşagəlməz hadisənin baş verməməsi və məktəblilərin təhlükəsizliyi üçün binanın sökülməsi ilə bağlı qərar qəbul edilib. Artıq birinci korpusda olan əşyalar, parta və dərs ləvazimatları ikinci korpusa köçürülüb.
Bütün məktəb ikinci korpusda fəaliyyət göstərəcək. Sıxlıq yaranmaması üçün məktəbdə dərslər iki növbəli şəkildə keçiriləcək.
Məktəbin hazırda sökülən birinci korpusunun yerində yeni məktəb binası inşa ediləcək.
Şərhlər
Şərhləri göstər Şərhləri gizlət