Qazaxıstan Bakıya uçuşları məhdudlaşdırır
Martın 5-dən etibarən Qazaxıstan koronavirus infeksiyasının yayıldığı ölkələrə uçuşların sayını azaldır.
Azvision.az Qazaxıstan mətbuatına istinadən xəbər verir ki, bu barədə ölkənin Sənaye və infrastrukturun inkişafı nazirinin müavini Berik Kamaliyev deyib.
Onun sözlərinə görə, Nur-Sultan-Bakı reysi martın 5-dən etibarən dayandırılır. Almatı-Bakı aviareysi isə beşdən birə, Aktau-Bakı reysi yeddidən bir reysə qədər məhdudlaşdırılır. Nur-Sultan-Tokio reysi də həftədə bir dəfə həyata keçiriləcək.
Nazir müavini vurğulayıb ki, yuxarıdakı uçuşlar üçün biletləri olan sərnişinlər onları cəriməsiz olaraq qaytara bilərlər.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət